Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetarja, Vjosa Osmani, selekton përkujtimet për dëshmorët. Sot ajo ka përkujtuar, heroin e Kosovës Agim Ramadanin, ditë më parë ka dekoruar katër luftëtarë të Kosharës dhe përgjithësisht përkujton luftëtarët e lirë, për të cilët pretendon që kanë qenë të FARK-ut, edhe pse ata ishin luftëtarë dhe eprorë vetëm të Ushtrisë Çlirimtare të Kosovës, sepse gjatë luftës së viteve 1998-1999 nuk pa pasur uniformë tjetër në zonat e luftës në Kosovë.
Përkujtimi selektiv nuk i bën nder askujt e aq më pak një kryetareje që do të duhej të ishte shembull i unitetit. Ajo asnjëherë deri tani nuk i ka përkujtuar: Ismet Jasharin, Mujë Krasniqin, Zahir Pajazitin, Agim Bajramin, Selman Lajçin, Luan Haradinajn, e shumë të tjerë, po aq të njohur e po aq heronj sa Agim Ramadani e Sali Çeku.
Kryetarja duhet të mësohet me krejt emrat e luftëtarëve të lirisë dhe të mos i vie zor t ua përmend emrat, ashtu sikur nuk ia lejon “namuzi” politik t i përmend emrat e tetë çlirimtarëve të ndodhen në burgun e Hagës, tetë ndër mijëra liri-bërës Kosovës të cilët i sollën lirinë vendit, ku ajo përmes një pazari politik, është emëruar në krye të Presidencës.
Nëse Zonja Osmani e vazhdon këtë praktikë, me anime e selektime, atëherë ajo nuk do të quhet kryetare e Kosovës, por përfaqësuese politike, zyrtare e Presidencës.
Edhe Isa Mustafa e Fatmir Sejediu kanë bërë selektime, por jo sa këto të Vjosa Osmanit.
Selektimi tregon më së miri se cila është kjo, kryetarja e Kosovës dhe a e përfaqëson krejt Kosovën apo vetëm partinë e saj ende pa emër, Vetëvendosjen e Albin Kurtit dhe Listën Serbe. (RKL)
