leoni

Kujtohet jeta dhe vepra e punëtorit shumëvjeçarë të Komunës së Ferizajt Sahit Idrizi

16/11/2022 Institucionet

Këtë të mërkurë salla e Kuvendit të Komunës së Ferizajt, ishte e mbushur me familjare dhe miq të shumtë të punëtorit të administratës së Ferizajt,  Udhëheqësit të Departamentit të Tatimit në Pronë  Sahit Idirizi. Me rastin e vdekjes së tij,  nën patronatin e Kryetarit të Komunës së Ferizajt, Agim Aliu, u organizua mbledhje komemorative. Ne emër të Kryetarit, të pranishmëve me një fjalë rasti ju është drejtuar Nënkryetari i Komunës së Ferizajt, Lulzim Aliu. Ai ka folur për jetën dhe veprën e punëtorit Sahit Idrizi, i cili ka thënë se fjalët janë të mangëta për të shprehur dhembjen e pikëllimin tonë. “Janë fjalë që nuk përshkruajnë dot, humbjen që kemi përjetuar të gjithë, si familja, ashtu edhe ne shoqëria e bashkëpunëtoret e të ndjerit. E them këtë sepse në kontaktin me secilin, baca Sahit ishte njerëzor, profesional, ndihmues e gjithnjë i përgjegjshëm në detyra e tij publike. Këto virtyte dhe shembulli që ai na la pas vetes, janë kujtimi më i mirë për të. Janë padyshim krenaria e familjes dhe institucionit tonë. Ndarja nga jeta të personave të dashur, nuk prekin vetëm familjen. Prekin dhembshëm zemrën e gjithë shoqërisë, e në rastin e bacës Sahit, dhembshëm mbrëmë u godit zemra jonë, se kësaj bote i dha lamtumiren përgjithnjë ai. Sahit Idrizin do ta kujtojmë gjithmonë me kujtimet më të mira”, ka thënë Nënkryetari Aliu, përderisa ka shtuar se do ta kujtojnë miqtë e tij, kolegët e punës të cilët për dekada patën rastin të bashkëpunojnë shkëlqyeshëm me të ndjerin. “Do ta kujtojmë ne, udhëheqja e Komunës së Ferizajt dhe gjithë drejtuesit e Komunës së Ferizajt ndër vite, për shembullin njerëzor e profesional që dha gjatë gjithë jetës së tij i ndjeri. Jeta e bacës Sahit duhet të na shërbej si motivi ynë, si model se si një njëri, një zyrtarë , një punëtor duhet të sillet në shoqëri se si duhet të sillet në vendin e punës se si një zyrtarë duhet me qenë  i përgjegjshëm dhe kompetent për punën që bën”, ka potencuar Nënkryetari Aliu. Në emër të familjes Sahiti, të pranishmëve ju është drejtuar djali i të ndjerit Liman Idrizi. Ai ka falënderuar të gjithë për respektin e treguar për prindin e tij, ndërkaq falënderim të veçantë ka pasur për kolegët e të ndjerit, por edhe drejtuesit e Spitalit Rajonal të Ferizajt që ju gjendën në momentet më kritike babit të tij. Sahiti Idrizi, la pas vetës gruan dhe fëmijët e tij. Varrimi i të ndjerit është bërë sot në orën 12:30 në fshatin Gackë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara