Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri, Albin Kurti ka reaguar ashpër ndaj autoriteteve më të larta të Serbisë për të cilët ka thënë se veprojnë me të njëjtën mendësi të kohës së Millosheviqit. “Beogradi zyrtar sot po flet e sillet sikurse para 23 vitesh e duke u drejtuar nga një kastë e njëjtë politikanësh, si Vuçiq, ish ministri i propagandës së Millosheviqit dhe Daçiq, ish zëdhënësi i Millosheviqit. Serbia po kërkon të vazhdojë luftën të cilën e humbi dhe e pranoi kapitullimin në Kumanovë në qershor 1999. Veprimet e Serbisë përbëjnë kërcënime të vazhdueshme. Paqja në Kosovë erdhi pas luftës sonë dhe ndihmës së aleancës, pas një regjimi gjenocidial. Ne jemi një qeveri demokratike. Qeveria e Kosovës është e interesuar për bashkëpunim me serbët e Kosovës. Ne jemi qeveria më demokratike e progresiste në rajon. Fatkeqësisht Serbia përmes grupeve kriminale, ka mbajtur e po mban peng qytetarët e Kosovës. Duam të veprojmë me kujdes dhe këtë e kemi dëshmuar gjatë tërë kohës”, deklaroi mes tjerash, kryeministri, Albin Kurti.
