Kryeministri, Albin Kurti ka njoftuar se janë duke bërë gjithçka që është e mundur për lirimin e tre policëve të Kosovës të rrëmbyer ditë më parë nga forcat e Serbisë. “Jemi duke bërë gjithçka që ata të lirohen sa më shpejt, të pacenuar, ndërkaq në anën tjetër, i ftojmë edhe njëherë faktorët ndërkombëtarë që ta dënojnë agresionin e Serbisë më 14 qershor kur njësitet e tyre speciale dhe ushtarake dhe policore rrëmbyen policët tanë – njësiti antiterror dhe ai Kobra i ushtrisë tre policët tanë në Leposaviq të cilët ndodheshin pikërisht te një rrugë e mbyllur ilegale e kontrabandës” theksoi kryeministri, Albin Kurti. Ai paralajmëroi se në fillim të javës që vjen, ambasadori Jetish Jashari, i cili përndryshe është shef i zyrës ndërlidhëse të Kosovës në Beograd do të arrijë t’i vizitojë këta tre policë.
![Kryeministri, Albin Kurti njofton se do të rritet numri i inspektorëve të tregut nga 15 sa janë aktualisht në 42 inspektorë](https://www.radiokosovaelire.com/wp-content/uploads/kurti-2-3-660x330.jpg)