Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pse fshihet e vërteta se nëntë luftëtarë të lirisë, kanë rënë në mbrojtje të popullatës, para se të hyjnë qindra trupa serbe, në Reçak, ndërsa në mbrojtje të kufomave ka rënë vetë, komandanti i Brigadës, Ahmet Kaçiku, disa ditë më vonë. Para hyrjes së forcave serbe kanë rënë duke luftuar me aq sa kanë mundur dhe me armatimin që e kanë pasur, Ali Beqa nga Pusteniku i Kaçnikut, Ismail Luma nga Kraishta e Lypjanit, Mehmet Mustafa, Shaqir Berisha, Kadri Syla, Enver Rashiti, të gjithë nga Reçaku, Skënder Çarri nga Graiçevci, Nazim Kokallari nga Budakova dhe Sadik Mujota nga Mallapolci. Me rastin e rënies së Sadik Mujotës është vrarë edhe bija e tij Hanëmshaheja 16-vjeçare. Këta dëshmorë nuk ka pasur mundësi të luftojnë për kufomat, gjatë betejës sepse kanë rënë që në fillim, dhe jo në mbrojtjen e trupave të masakruar nga Serbia, sikur thotë Albin Kurti. Është për keqardhje pse nuk reagojnë bashkëluftëtarët e dëshmorëve në Reçak e në Shtime, madje as komandantët pse lejohet ky deformim të kalojë heshtas për sa e sa vjet dhe jo vetëm me këtë rast. Kujt po i pengon kjo e vërtetë. Dikush duhet të japë llogari e këtë llogari drejtuar institucioneve duhet ta kërkojnë në radhë të parë veteranët, bashkëluftëtarët e familjarët e tyre, pastaj të tjerët.
