Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këtë të premte është mbajtur mbledhja e fundit e Kuvendit Komunal të Ferizajt të cilën e udhëhoqi kryesuesi i Kuvendit Xhavit Zariqi, ndërsa kanë marrë pjesë edhe drejtorë të drejtorive komunale, por edhe anëtarët e KK-së.
Në këtë mbledhje drejtori i Drejtorisë së Bujqësisë Burim Bajrami ka bërë propozim-vendimin për miratim të raportit të komisionit lokal për vlerësimin e dëmeve nga fatkeqësitë natyrore, propozimi ky që u votua unanimisht.
Ndërsa drejtori i Drejtorisë së Pronës, Gjeodezisë dhe Kadastrit Sabri Murseli, ka bërë propozim-vendimin për plotësimin e listës së veçantë të pronave për dhënien në shfrytëzim për vitin 2025, por edhe propozim-vendimin për caktimin e lokacionit për ndërtimin e fushës së futbollit në fshatin Tërrn.
Është diskutuar edhe propozim-vendimi për caktimin e lokacionit për ndërtimin e palestrës së xhudos dhe bartjen e pronësisë së pronës së komunës në emër të Republikës së Kosovës, pjesën e ngastrës kadastrale me Nr.103-0 Z.K në Sojevë.
