Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në vazhdimin e seancës së mbetur nga e marta e kaluar e Kuvendit të Komunës së Novobërdës, që në fillim të seancës së sotme, kryesuesi i saj, që vjen nga radhët e Listës Serbe, kërkoi që të përjashtohen të gjithë qytetarët e pranishëm, por pa dhënë asnjë arsyetim sic e kërkon ligji përkatës. Nga radhët e partive shqiptare, këtë kërkesë e kanë përkrahur edhe këshilltarët e LDK së të cilët janë përpjekur që edhe dhunshëm ta largojnë nga séanca qytetarin, Lirim Gashi, ndërsa kundër kanë qenë këshilltarët shqiptarë të VV, PDK dhe AKR.
Vlerësojmë se kjo është rrjedhojë e seancës së kaluar kur u është mohuar e drejta e fjalës këshilltarëve të VV së, z. Avdyl Gashi dhe Selatin Nuhiut nga PDK. Duket se drejtuesit e Kuvendit nuk u mjaftuan vetëm me këtë ndalim të shprehjes së lirë të këshilltarëve komunalë të përzgjedhur nga vota e lirë, por këtë diktaturë sot e imponuan edhe te qytetarët duke I larguar nga séanca, pa dhënë asnjë sqarim se pse duhej të ndodhte kjo.
Vlerësojmë se ky vendim, jo vetëm që është antiligjor, por është edhe mohim i të drejtës për informim të qytetarëve të komunës së Novobërdës, sepse vetëm përmes pjesëmarrjes fizike në seancë, ata mund të marrin informata se cfarë po ndodh në legjislativin e komunës. Nuk ka asnjë formë tjetër të përcjelljes së seancave të Kuvendit pasi që të njëjtat nuk transmetohen përmes mediave elektronike. Qytetarët e Novobërdës edhe pse kanë udhëtuar me dhjetra kilometra për pjesëmarrje në séancë të Kuvendit dhe, pa pasur asnjë informim paraprak se séanca është e mbyllur, u mohohet e drejta të jenë dëgjues të seancave.
Në shenjë pakënaqësie me këtë vendim të Kuvendit, këshilltarët e partive shqiptare, VV, PDK dhe AKR, e kanë lëshuar seancën e sotme duke u solidarizuar me qytetarët e përjashtuar në mënyrë arbitrare.
Reagim nga këshilltarët komualë të VV, PDK dhe AKR (Avdyl Gashi)
