Kuvendi i Kosovës mbanë sot seancë të jashtëzakonshme për heqjen e monopolit në homologimin e veturave

Edhe ditën e sotme Kuvendi i Kosovës do të mbajë seancë të jashtëzakonshme për heqjen e monopolit lidhur me shërbimin e homologimit të veturave. Kjo seancë pritet të fillojë në orën 10:00. Kujtojmë se kjo do të jetë seanca e tretë e jashtëzakonshme e cila do të mbahet gjatë kësaj jave. Vetëm gjatë ditës së sotme, Kuvendi i Kosovës ka mbajtur dy seanca të jashtëzakonshme. Në seancën e parë, në rend dite ishte votimi në lexim të dytë i projektligjit për tatimin në të ardhurat e korporatave dhe projektligj dhe votimi i amendamentit 5 të propozuar nga deputeti i PDK-së Bekim Haxhiu, që mundëson harmonizimin dhe funksionalizimin e Ligjit për Sponsorizime. Ndërkaq, seanca e dytë, po ashtu e jashtëzakonshme, në rend dite kishte gjendjen në arsim dhe vendimet e Ministrisë së Arsimit, Shkencës dhe Teknologjisë.