Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në rezolutën, të cilën sot e ka miratuar Kuvendi i Kosovës është përmendur edhe gjykimi që po i bëhet luftës së Ushtrisë Çlirimtare të Kosovës, në Hagë. Eprorët e lartë të UÇK-së, gjatë luftës: Hashim Thaçi, Kadri Veseli, Rexhep Selimi, Jakup Krasniqi, pastaj Salih Mustafa, Nasim Haradinaj, Hysni Gucati e Pjetër Shala po akuzohen nga Gjykata Speciale në Hagë për gjoja krime lufte. Në rezolutën e miratuar unanimisht thuhet se Serbia nuk është distancuar nga krimet e saj të panumërta në Kosovë. “Kuvendi i Kosovës përkujton se shteti i Serbisë asnjëherë nuk është distancuar nga krimet dhe gjenocidi në Kosovë, si dhe ende heziton të nxjerrë para drejtësisë kriminelët e luftës. Në vend se Serbia të ishte e dënuara, sot Kosova dhe lufta e saj po gjykohen padrejtësisht, është thënë në rezolutën e miratuar sot. Kuvendi i Kosovës me 94 vota për, asnjë kundër dhe asnjë abstenim ka miratuar rezolutën ku dënohet agresioni i Rusisë në Ukrainë.
