Kuvendi i Skenderajt miraton nismën e kryetarit Jashari, për bashkëpunim ndërkomunal me Drenasin

05/04/2019 Institucionet

Kuvendi Komunal i Skenderajt ka mbajtur seancë të jashtëzakonshme, ku anëtarët kanë miratuar nismën e kryetarit Bekim Jashari, për bashkëpunim ndërkomunal në mes të Komunës së Skenderajt dhe asaj të Drenasit. Kryetari Jashari, në paraqitjen e tij, ka thënë se kjo nismë për bashkëpunim ndërkomunal me komunën e Skenderajt, hapë rrugë për të aplikuar për projekte të ndryshme Infrastrukturore, të cilat projekte financohen vetëm me rastin e miratimit të kësaj nisme. “Pas miratimit të nismës për bashkëpunim ndër komunal, komunat e hyra në bashkëpunim kanë mundësinë që të aplikojnë bashkërisht për projekte të ndryshme më interes të përbashkët. Vlen të theksohet se pas miratimit të kësaj nisme do të aplikohet për projekte infrastrukturore, pastaj do të nënshkruhet marrëveshja e bashkëpunimit në mes dy komunave, dhe ajo marrëveshje do të jetë për aprovim prapë në dy kuvendet e komunave të hyra në bashkëpunim. Të nderuar asamblistë, kërkoj nga ana juaj që të miratoni nismën time për të hyrë në bashkëpunim ndër komunal me komunën e Drenasit, me të vetmin qellim sjellja e investime në komunën tonë përmes formës së bashkëpunimit ashtu siç e parasheh legjislacioni i lartcekur”, ka thënë kryetari Jashari.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara