leoni

Kuvendi Komunal i Vitisë mbajti mbledhjen e fundit të këtij viti

27/12/2024 Institucionet

Është mbajtur mbledhja e 12-të dhe e fundit e Kuvendit Komunal të Vitisë per këtë vit kalenderik. Me këtë rast kryesuesi i Kuvendit, Bekim Azizi i ka njoftuar të pranishmit rreth vlerësimit të ligjshmërisë së akteve të nxjerrë nga mbledhja e kaluar duke bërë me dije se shumica prej tyre janë vlerësuar si të ligjshme. Ai gjithashtu i ka falënderuar të gjithë anëtarët e Kuvendit dhe trupat e saj për angazhimin e tyre një vjeçar duke ju uruar atyre dhe të gjithë qytetarëve festat e fund vitit.  Urimet për fundvit ju janë bashkangjitur edhe gjithë subjektet politike që janë pjesë e këtij Kuvendi.

Para hyrjes në rend të ditës këshilltarët komunal ngritën çështje të ndryshme në interes të qytetarëve të Vitisë por edhe pyetje për ekzekutivin të cilëve kryesisht ju janë përgjigjur drejtorët përkatës ose dhe zv. kryetari i komunës së Vitisë Hasan Aliu.

Megjithatë në këtë mbledhje janë shqyrtuar dhe votuar me shumicë votash këto pika:

– Procesverbali nga mbledhja e njëmbëdhjetë e Kuvendit Komunal.

–  Propozim vendimi për miratimin e listës se veçantë të pronave të paluajtshme të komunës, që planifikohen për dhënie në shfrytëzim gjatë vitit 2025.

–  Propozim vendimi për formimin e Komisionit për shqyrtimin e ankesave për dhënien e pronës se komunës ne shfrytëzim afatshkurtër dhe afatgjatë.

–  Propozim vendimi për aprovimin e Planit të Punës të Komitetit për Komunitete për vitin 2025.

– Propozim plani për punën e këshillit komunal për siguri në bashkësi për vitin 2025.

Ndërsa jashtë rendit të ditës u shqyrtua  dhe u votua edhe një propozim për ndryshimin dhe plotësimin e Rregullores për Taksa, Ngarkesa dhe Gjoba për vitin 2025.

– Gjithashtu në këtë takim u dha edhe një raport rreth zbatimit të Planit të Integritetit të Komunës së Vitisë për vitin 2024.

Kontrolloni gjithashtu

Kryetari Nura ka pritur në takim gjeneralin Xhevahir Gecin

Kryetari i komunës së Skënderajt z. Fadil Nura ka pritur të hënën në takim gjeneralin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara