Kuvendi Komunal i Vitisë votoi me shumicë votash pro buxhetit për vitet 2019-2021

27/09/2018 Institucionet

Kuvendi Komunal i Vitisë ka mbajtur mbledhjen e 9-të të rregullt. Me këtë rast janë votuar dhe shqyrtuar të gjitha pikat e parapara me rendin e ditës. Megjithatë diskutimi më i gjatë është bërë për Draft Buxhetin e Komunës së Vitisë për vitet 2019-2021 i cili po ashtu është votuar me shumicë votash. Me këtë rast Kryetari i Komunës së Vitisë, Sokol Haliti tha se kjo komunë ka punuar shumë që buxheti komunal në veçanti lista për investime kapitale të hartohet bashkërisht me qytetarët e kësaj komune por edhe me kategoritë e ndryshme të shoqërisë. “Kemi punuar shumë në hartimin e këtij buxheti komunal i cili do të jetë në interes të gjithë qytetarëve vitias përfshirë edhe kategoritë e ndryshme të shoqërisë. Ky buxhet në veçanti lista për investime kapitale është bërë në bashkëpunim me qytetarët tani pasi që kemi mbajtur diskutime për planifikimin e buxhetit komunal në shumë lokalitete të kësaj komune”, u shpreh Kryetari Haliti. Ai tha se edhe pse ky buxhet nuk është i mjaftueshëm në krahasim me kërkesat dhe nevojat të cilat i kanë qytetarët, kjo komunë po bënë përpjekje që me donatorë të ndryshëm të realizoj sa më shumë projekte të cilët ndryshojnë për të mirë jetën e qytetarëve të kësaj komune. Sipas Buxhetit Komunal 2019-2019 të cilën e prezantoj Ibrahim Rama, Drejtor për Ekonomi, Financa dhe Zhvillim, Komuna e Vitisë do ta këtë një buxhet prej gjithsej 11.345.554€ për vitin 2019. Ky buxhet pritet të ndahet në këtë formë: paga e mëditje 7.309.561€, mallra e shërbime 1.481.703€, shpenzime komunale 221.000€, subvencionime e transfere 210.000€ si dhe shpenzime kapitale 2.123.287€. Derisa këshilltarët e Kuvendit Komunal nga partitë në pozitë e vlerësuan si pozitiv këtë buxhet partitë opozitare paraqitën vërejtjet dhe sugjerimet e tyre. Gjithashtu gjatë kësaj mbledhje është diskutuar dhe votuar me shumicë votash edhe: Propozim vendimi për emërimin e stadiumit të futbollit- fushës ndihmëse në Sadovinë të Jerlive me emrin e dy dëshmorëve vëllezër nga ky lokalitet “Gursel e Bajram Sylejmani”, propozim rregullorja për Taksa, Ngarkesa dhe Gjoba, propozim vendimi për aprovimin e Planit të Punës të Kuvendit Komunal të Vitisë për vitin 2019, propozim vendim për inicimin e procedurave për dhënien në shfrytëzim të pronës komunale Parkingjet në qytetin e Vitisë. Kurse në fund të kësaj seance Fatbardha Emini, Drejtoresh e Drejtorisë Komunale të Arsimit paraqiti edhe informatën për fillimin e vitit shkollor 2018/2019. Përndryshe në fillim të kësaj seance Naim Pira, Kryesues i Kuvendit Komunal i njoftoj të pranishmit mbi vlerësimin e ligjshmërisë së akteve por edhe mbi atë se Komuna e Vitisë është përfituese e një granti stimulues të përformancës për vitin 2019 në vlerë prej 105,802€ dhe atë nga Ministra e Adiministrimit të Pushtetit Lokal dhe atë nga fondi i bashkëfinancimit me SDC/DEMOS.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara