Kuvendi komunal në Viti mbajti seancën e IV-të të radhës

28/04/2021 Institucionet

Kuvendi Komunal i Vitisë, ka mbajtur mbledhjen e katërt të rregullt, me ç’rast janë shqyrtuar një varg pikash të rendit të ditës. Një ndër pikat ku pati më së shumti pyetje nga ana e këshilltarëve, ishte ajo për pasqyrat financiare të buxhetit Komunal për periudhën janar-mars 2021, të cilat i prezantoi drejtori i Drejtorisë për Financa dhe Zhvillim Ekonomik, Ibrahim Ramaj. Në këtë seancë u miratua edhe vendimi për bartjen e mjeteve nga të hyrat vetanake të vitit 2020 ne vitin 2021, si edhe propozim vendimi për aprovimin e planit të integritetit për komunën e Vitisë 2021-2023. Këshilltarët me shumicë votash miratuan edhe propozim vendimin për formimin e komisionit për themelimin e vend gjuetisë ne territorin e Komunës së Vitisë, si dhe propozim vendimi paraprak për dhënien në shfrytëzim të pronës komunale përmes ankandit publik (Parkingjet publike). Gjithashtu, në këtë seancë u dha një informatë për Manifestimin Tradicional Kulturor-Sportiv Flakadani i Karadakut-2021, si dhe një informatë mbi përgatitjen e të mbjellurave pranverore.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara