leoni

Kuvendi i Komunës së Kaçanikut me shumicë votash miratoi Raportin Financiar për vitin 2016

02/04/2017 Institucionet

Kuvendi i Komunës së Kaçanikut ka mbajtur mbledhjen e tretë me radhë të cilën e ka udhëhequr Kryesuesi i Kuvendit Xhelal Gashi, ndërsa prezantoi edhe Kryetari i Komunës së Kaçanikut Besim Ilazi.

Anëtarët e Kuvendit Komunal me shumicë votash, miratuan Raportin Financiar për Vitin 2016, të cilin raport e prezantoi Drejtori për Ekonomi, Financa dhe Zhvillim Ekonomik Bahri Selimi. Drejtorit Selimi tha se pasqyrat vjetore financiare janë përgatitur sipas standardeve ndërkombëtare të kontabilitetit bazuar në para të gatshme, përfshirë të gjitha shënimet për vitin e përfunduar me 31.12.2016 dhe në përputhje me të gjitha obligimet raportuese që dalin nga Ligji Nr.03/L-048 për Menaxhimin e Financave Publike dhe përgjegjësive. Drejtori Selimi tha se që nga paslufta është arritur progres i veçantë në realizimin e të hyrave vetanake dhe ekzekutimin e lartë të buxhetit në veçanti te ekzekutimi i mjeteve nga granti qeveritarë. Realizimi i të hyrave për periudhën janar-dhjetor 2016 është realizuar për 90% apo shuma e inkasuar prej 632,563.00 € nga gjithsej planifikimi vjetorë në shumë prej 709,672.00 €. Ndërsa ekzekutimi i buxhetit sipas Kategorive Ekonomike sipas burimeve të mjeteve nga Granti Qeveritarë duket kështu:

  1. Pagat dhe mëditjet 99.77 %

  2. Mallra dhe shërbime 99.95%

  3. Shpenzime komunale 99.95%

  4. Subvencione dhe transfere 100% dhe

  5. Shpenzimet kapitale 99.99 %

Nga të gjitha kategoritë ekonomike (pa përfshirë pagat dhe mëditjet) suficiti apo mjetet për kthim në buxhetin e RKS-së është 282.37 euro. (dyqind e tetëdhjetë e dy euro e tridhjetë e shtatë cent). Pjesë e shpalosjes së Raportit Vjetorë Financiar ishte edhe pasqyra e obligimeve komunale për vitin e përfunduar 2016, ku sipas drejtorit Komunal për Financa gjithnjë prinë për nivel të ulët të obligimeve dhe atë sipas tij për vitin e përfunduar 2016 ato janë në 1% e buxhetit final apo 0.35% e buxhetit.

Kuvendi po ashtu miratoi edhe këto pika të rendit të ditës: Propozim Vendimi për marrjen e Vendimit për ndërrimin e destinimit të tokës bujqësore në tokë ndërtimore të Avdullah e Avdush (Hasip) Dema, në Zonën Kadastrale në Bob; Propozim Vendimi për plotësimin e Vendimit për dhënien e Pëlqimit për kompaninë “ Afa Energy”sh.p.k. për ndërtimin e Hidrocentralit; Propozim Vendimi për ndryshim plotësimin e Vendimit 01Nr. 16-499/16 – për dhënien në shfrytëzim afatgjatë të pronave të paluajtshme të komunës; Propozim Vendimi për caktimin e Lokacionit për Varreza në fshatin Begracë; dhe u njoftua lidhur me Informatën e Drejtorisë për Urbanizëm, Kadastër dhe Mbrojtje të Mjedisit, për çështjen e Lejeve Ndërtimore.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara