Kuvendi i Komunës së Malishevës, miratoi raportin financiar për vitin 2015

06/04/2016 Institucionet

Është mbajtur mbledhja e tretë e rregullt e Kuvendit të Komunës së Malishevës, e cila është drejtuar nga kryesuesi i saj, Aziz Thaçi. Në këtë mbledhje, janë marrë disa vendime, është miratuar raporti financiar për vitin 2015, pastaj është miratuar plani komunal për efiçiencë të energjisë, si dhe është shfuqizuar vendimi i mëhershëm për kushtëzimin e qytetarëve, me pagesat e shërbimit të grumbullimit të mbeturinave.

Fillimisht, KK i Malishevës, ka miratuar kërkesat e dy qytetarëve për ndërrim destinimi të tokës bujqësore në tokë ndërtimore. Në këtë mbledhje, anëtarët e KK-së, janë informuar edhe për përfundimin gjysmëvjetorit të parë të vitit shkollor 2015-2016.

Po ashtu në këtë mbledhje, anëtarët e Kuvendit të Malishevës, me kërkesë të MAPL-së, pas rishqyrtimit, kanë shfuqizuar vendimin e mëhershëm për kushtëzimin e qytetarëve, lidhur me shërbimet komunale të mbeturinave.

KK ka miratuar edhe planin komunal për efiçiencë të energjisë 2016-2020. Me kërkesë të Asociacionit të Komunave të Kosovës, KK i Malishevës, ka formuar një komision për harmonizimin e propozimit të KK të Malishevës, lidhur me pagat e anëtarëve të Kuvendit të Komunës. Gjithashtu, KK i Malishevës, ka dhënë pëlqimin e një kërkese të një qytetari, për ndërtimin e një sistemi për ujitjen e plantacioneve me mollë.

Ndërsa kërkesa e një qytetari, për ndërrim të paluajtshmërisë të pronës private me pronë publike, ka mbetur për interpretim nga ana e MAPL-së, pasi ajo kërkesë mori një votë kundër, një pro, 18 të tjerë kanë abstenuar, ndërsa dy anëtar të KK-së (LVV), nuk morën pjesë në votim.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara