leoni

Kuvendi i Komunës së Malishevës, shqyrtoi raportin e auditorit për vitin 2015

15/07/2016 Institucionet

Kuvendi i Komunës së Malishevës, i drejtuar nga kryesuesi Aziz Thaçi ka mbajtur mbledhjen e  shtatë të rregullt për këtë vit. Mbledhja ka filluar me një minutë heshtje në nderim për viktimat në Nice të Francës, ku humbën jetën mbi 80 qytetarë. Temë kryesore e mbledhjes, ishte shqyrtimi i raportit të auditorit të përgjithshëm për vitin 2015.

Anëtarët e Kuvendit të Komunës së Malishevës, gjatë shqyrtimit të këtij raporti, megjithëse thanë se llogaritet si raporti më i mirë deri më tani dhe ndoshta raporti më i mirë nga të gjitha komunat e vendit, thanë se rekomandimet e dhëna nga ana e auditorit, duhet të realizohen.

Anëtarët kërkuan sqarime për disa nga rekomandimet e auditorit, ndërsa për të gjitha këto pyetje, sqarimet para anëtarëve të kuvendit, i kanë dhënë kryetari i Komunës së Malishevës, Ragip Begaj dhe zyrtari kryesor financiar, Halil Shurdhaj.

Në këtë mbledhje, Kuvendi i Komunës së Malishevës, ka miratuar edhe dy kërkesa të qytetarëve, për ndërrim destinimi të tokës bujqësore, në tokë ndërtimore.

Kontrolloni gjithashtu

Shoqata e ish të Burgosurve Politik në Ferizaj, përkujtoj një nga periudhat më të rëndësishme të historisë sonë të re, Pranvera Shqiptare e vitit 1981

Nën organizimin e Shoqatës të ish të Burgosurve Politik në Ferizaj, me pjesëmarrjen edhe të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara