leoni

Kuvendi mori vendim për ndarjen e mirënjohjeve dhe çmimeve  për nder të 16 Qershorit- Ditës së Çlirimit dhe të Dëshmorëve të Komunës së Malishevës

13/06/2024 Institucionet

Kuvendi i Komunës së Malishevës mbajti mbledhjen e pestë të rregullt për vitin 2024. Fillimisht mbledhja filloi me rendin e pikës jashtë rendit të ditës,  ku u ngritën disa çështje nga asamblistët dhe më pas u diskutua dhe u miratua rendi i ditës  me disa plotësime. Kryesuesi i Kuvendit të Komunës së Malishevës, Argjend Thaçi dhe shefat e grupeve të partive të përfaqësuara në kuvend, uruan familjet e dëshmorëve, invalidëve, veteranëve të luftës së UÇK-së , martirëve si dhe për të  gjithë ata, që kontribuuan në çlirimin dhe lirinë e Kosovës, përkatësisht Malishevës, për nder të 16 Qershorit- Ditës së Çlirimit dhe të Dëshmorëve të Komunës së Malishevës. Në këtë mbledhje u bë Shqyrtimi dhe miratimi i kërkesës nr.01/682 datë:06.06.2024, të Këshillit Organizativ për ndarjen e mirënjohjeve dhe çmimeve në tri fushat si:  Për trimëri dhe heroizëm, shëndetësi dhe arsim  dhe u mor vendim që  mirënjohjet dhe çmimet të ndahen, për personalitetet që dhanë kontribut të vlerësueshëm ndër vite në përgjegjësitë e tyre kombëtare e shtetërore që ushtruan. Po ashtu u diskutuan dhe u shqyrtuan edhe disa kërkesa e disa u prolonguan për mbledhjen e radhës të kuvendit.

Kontrolloni gjithashtu

Në Shkollën Mic Sokoli në Slivovë mbahet ligjerata “Fenomeni i bullizmit në shkolla, pasojat dhe lufta kundër tij”

Në kuadër të ciklit të ligjëratave “Fenomeni i bullizmit në shkolla, pasojat dhe lufta kundër …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara