Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i Shteteve të Bashkuara të Amerikës, në Beograd Kyle Scott ka thënë se do të ishte pazakonshme që në fund të bisedimeve ndërmjet Bashkimit Evropian e Serbisë të kërkohej që Beogradi të njohë pavarësinë e Kosovës si kusht për anëtarësim në Union. Siç njofton agjencia serbe e lajmeve FoNet, Scott në një intervistë për javoren serbe Nedeljnik, ka thënë se as të gjitha vendet anëtare të Bashkimit Europian nuk e kanë njohur pavarësinë e Kosovës, prandaj do të ishte e pazakonshme që BE ta kërkonte këtë nga Serbia. Sipas tij më e rëndësishmja është qasja që shpie drejt normalizimit të marrëdhënieve të Serbisë e Kosovës për të cilin janë të përkushtuara qeveritë në Beograd dhe në Prishtinë. Për serbin e rëndomtë që jeton në Kosovë, edhe për shqiptarin e rëndomtë që jeton atje, statusi formal i Kosovës duhet të jetë i parëndësishëm, ka porositur. z Scott.
