Lagjet Sejdiu dhe Miftari të Runikut po bëhen me rrugë të asfaltuara

14/04/2017 Institucionet

Falë investimeve të Komunës së Skenderajt dy lagje të Runikut po bëhen me rrugë të reja. Lagja Sejdiu dhe Miftari të këtij fshati janë pjesë e investimeve që Komuna e Skenderajt po bën kudo në territorin e saj, me qëllim të rritjes së mirëqenies së të gjithë banorëve. Më qëllim të monitorimit të punimeve në këto dy rrugë, në Runik ka qëndruar nënkryetari i komunës së Skenderajt Fadil Nura me bashkëpunëtorë. Nënkryetari Nura me këtë rast deklaroi se komuna e Skenderajt është në fazën e fundit të asfaltimit të rrugëve të lagjeve, ndërkohë që janë duke u bërë edhe investime të rëndësishme në projektet e ujësjellësve dhe kanalizimeve, pjesë e të cilave do të jetë edhe Runiku në fushën e trajtimit të ujërave të zeza. “Nevojat e banorëve të Runikut janë dhe do të jenë prioritete të Komunës së Skenderajt, pasi përmirësimi i jetës së qytetarëve është qëllim parësor i qeverisjes lokale të Skenderajt”, tha z. Nura.

Duke qenë njëra ndër bashkësitë më të mëdha lokale të Skenderajt, në Runik Komuna e Skenderajt ka investuar edhe në të kaluarën.

Kontrolloni gjithashtu

Samra Kërqagu u zgjodh kryesuese e re e Komitetit Konsultativ për Persona me Aftësi të Kufizuara

Në Rahovec në prani të anëtarëve të Komitetit Konsultativ për Persona me Aftësi të Kufizuara, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara