Kryetari i Komunës se Rahovecit, Smajl Latifi e ka përshëndetur vendimin e sotëm të Kuvendit të Komunës së Rahovecit, për të emërtuar disa institucione kulturore e sportive me emrat e dëshmorëve të kombit duke e vlerësuar ndër vendimet me të arsyeshme që institucionet të identifikohen me emrat e dëshmorëve të lirisë.
“Në prag të 28 NËNTORIT, kësaj date të rëndësishme e të madhe kombëtare, përshëndes vendimin e sotëm të Kuvendit të Komunës së Rahovecit, për të emërtuar disa institucione kulturore e sportive me emrat e dëshmorëve të kombit. Mendoj se është ndër vendimet e arsyeshme e të pritshme, sepse tashmë këto institucione mund të identifikohen me emrat e dëshmorëve të lirisë: Mizahir Isma (palestra e sprotit në Rahovec), Jahja Danuza (stadiumi i futbollit), Muhamet Malsori (qendra e kulturës në Krushë të Madhe), Jahë Hoti (qendra e kulturës në Ratkoc) dhe Feim Gashi (qendra e kulturës në Drenoc). Kuvendarët do të kenë punë edhe në të ardhmen, sepse procesi i ndërtimit të infrastrukturës kulturore e sportive në komunën e Rahovecit do të vijojë edhe në të ardhmen. Urojmë që të rejat dhe të rinjtë tanë të zhvillojnë aktivitete të dendura kulturore e sportive në frymën e tolerancës e mirëkuptimit dhe të nderojnë figurat e dëshmorëve, emrat e të cilëve do t’i mbajnë këto institucione”, ka shkruar Latifi.