Lidhja Demokratike e Kosovës, ka theksuar se mbështetja e vazhdueshme dhe e palëkundur e Amerikës dhe anëtarëve të tjerë të NATO-s, kanë rezultuar në avancimin e Kosovës nga vëzhguese në anëtare të asocuar në Asamblenë Parlamentare të NATO-s. Megjithatë, kjo parti e bën të qartë se deri në anëtarësimin e plotë të Kosovës në NATO, mbetet shumë punë për të bërë. LDK-ja, do të vazhdojë kontributin e saj, të filluar qysh më 1989, drejt integrimit të plotë të Kosovës në institucionet euroatlantike. Përkushtimi i Kosovës për paqen, stabilitetin dhe parimet demokratike u pasqyrua në mbështetjen e NATO-s ndaj vendit tonë. Kosova dhe qytetarët e saj janë gjithnjë falënderuese ndaj shteteve anëtarë të NATO-s që edhe sot, si gjithnjë, na qëndruan pranë dhe me votën e tyre mundësuan avancimin e statusit tonë.
![LDK e mbledh kryesinë e partisë për të vendosur nëse do ta përkrah kandidaturën e Vjosa Osmanit për kryetare të Kosovës](https://www.radiokosovaelire.com/wp-content/uploads/ldk1-660x330.jpg)