Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lidhja Demokratike e Kosovës, ka reaguar lidhur me gjendjen aktuale të punësimit në Kosovë, duke kritikuar qeverinë për mungesë të projekteve zhvillimore dhe vizionit për ekonomi. Sipas një deklarate të lëshuar sot nga LDK, vetëm 37 për qind e njerëzve në moshë pune janë të punësuar, duke e renditur Kosovën në fund të listës në Ballkan për nivelin e punësimit. Raporti i fundit i Bankës Botërore, i përmendur nga LDK, tregon se Shqipëria dhe Mali i Zi kanë arritur nivele më të larta punësimi, duke tejkaluar madje disa vende të Bashkimit Evropian. Në kundërshtim me këto rezultate pozitive në rajon, Kosova vazhdon të përballet me numër të lartë të papunëve dhe me emigrimin e të rinjve. “‘Rruga e Re’ është rruga e vetme drejt zhvillimit ekonomik,” thuhet në reagim, duke theksuar se ndryshimi do të vijë përmes një udhëheqjeje të re dhe të përgjegjshme.
