Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lidhja Demokratike e Kosovës ka mbajtur një konferencë për media, me ç‘ rast u kërkua të ndalet presioni ndaj mësimdhënësve nga ana e Qeverisë dhe të gjendet një zgjidhje. Kryetarja e Forumit të Gruas në LDK, Jehona Lushaku – Sadriu, ka thënë se kërkimi i listave me emrat e grevistëve nga ana e qeverisë për t’ua pezulluar kontratat atyre, është një kërcënim dhe nuk ka mbështetje ligjore. Dje SBASHK ka nisur grevën e përgjithshme në sektorin publik, kurse menjëherë më pas qeveria ka bërë kërkesën për të kërkuar listat e punonjësve të arsimit të cilët janë të përfshire në grevë për t’i pezulluar nga lista e pagave, kështu duke fyer rëndë dinjitetin edhe integritetin e tyre”. Mësimdhënësit e Kosovës kanë hyrë në grevë si rezultat i moskonsideratës nga ana e Qeverisë. Kërkimi i listave me emrat e grevistëve nga ana e Qeverisë për të dënuar ose pezulluar kontratat e punës së tyre është një goditje e ultë dhe pa mbështetje ligjore. Është praktikë tipike e autokratëve për të heshtur kërkesat dhe pakënaqësitë ndaj qeverisë, ka thënë në një konferencë për medie, Kryetarja e Forumit të Gruas së LDK-se, Jehona Lushaku.
