Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefja e Grupit Parlamentar të LDK-së, Hykmete Bajrami, njoftoi se partia e saj do të ngrejë kallëzim penal ndaj anëtarëve të Qeverisë që janë betuar sot si deputetë, duke i akuzuar për ushtrim të paligjshëm të funksioneve ekzekutive pas certifikimit të rezultateve zgjedhore më 27 mars. Ajo citoi nenin 70 të Kushtetutës, i cili sipas saj e përcakton qartë se mandati i deputetit fillon me certifikimin e rezultateve. Bajrami argumentoi se që nga ajo datë, ushtrimi i funksioneve qeveritare përbën shkelje të Kushtetutës. Ajo shtoi se hapi i radhës mund të jetë dërgimi i çështjes në Gjykatën Kushtetuese. Lidhur me zgjedhjen e kryetarit të Kuvendit, Bajrami konfirmoi se LDK nuk e mbështet asnjë kandidat të propozuar nga Lëvizja Vetëvendosje. Situata mbetet e tensionuar në Kuvend, ndërsa kriza institucionale po thellohet.
