Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lidhja Demokratike e Kosovës, ka reaguar ashpër ndaj vendimit të Zyrës së Rregullatorit të Energjisë për rritjen e çmimit të energjisë elektrike me 16%. Deputetja e LDK-së, Hykmete Bajrami, ka paralajmëruar veprime të menjëhershme, duke njoftuar se partia do të kërkojë shkarkimin e bordit të ZRrE-së sapo të konstituohet Kuvendi i ri. Ajo e akuzon ZRrE-në për mungesë transparence dhe profesionalizmi dhe kërkon një bord të ri që do të mbrojë interesat e qytetarëve. Vendimi për rritjen e çmimit të energjisë, i miratuar nga ZRrE, ka nxitur një reagim të fuqishëm nga ana e LDK-së, që e sheh këtë si një goditje për qytetarët dhe për standardin e jetesës në Kosovë. Deputetja Bajrami ka theksuar se sapo Kuvendi të konstituohet, LDK do të kërkojë që bordi i ZRrE-së të raportojë para deputetëve dhe të revokojë menjëherë vendimin për rritjen e tarifës. Ajo ka shtuar se nëse bordi aktual nuk do të shfuqizojë vendimin, ky do të jetë një nga veprimet e para që do të ndërmarrë Kuvendi i ri, me një bord të ri.
