Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i grupit parlamentar të AAK-së, Pal Lekaj, pas mbledhjes së Kryesisë së Kuvendit ka thënë se koalicioni qeverisës PDK-LDK nuk po mund ta çojë përpara asnjë proces, prandaj është koha që të shkohet në zgjedhje të parakohshme. “Përgjegjësia i mbetet pozitës e cila i ka 2/3 e votave. Ky koalicion s’po mundet t’i shtyjë përpara proceset. As demarkacionin e as ushtrinë. Prandaj është koha që të shkohet në zgjedhje”, ka theksuar Lekaj. Ai ka treguar se AAK-ja nuk do ta votoj demarkacionin dhe për këtë e kanë njoftuar edhe shtetit gjerman. “Ne e kemi thënë në Bundestag se vota jonë do të jetë kundër demarkacionit. Po ashtu, kemi kërkuar që asociacioni të bëhet konform Kushtetutës, por na është thënë se duhet të kryhen detyrat e shtëpisë. Ne ua kemi bërë të qartë miqve tanë se nuk jemi kundër demarkacionit, por jemi kundër kësaj marrëveshje për arsye se Kosova humb 8 mijë e 900 hektarë. Ne jemi kundër marrëveshjeve që e dëmtojnë Kosovën. Ne nuk guxojmë në asnjë mënyrë që Kosova të ndahet në dy entitete. Bundestagu na kanë thënë se duhet t’i kryejmë detyrat dhe ne ua kemi bërë të qartë se në asnjë mënyrë s’do të votojmë kundër interesave të vendit”, ka thënë Lekaj.
