LEKAJ: INVESTIMET NË RRUGËN GURRAKOC – KLINË LEHTËSOJNË JETËN E BANORËVE TË ISTOGUT E KLINËS

09/11/2018 Institucionet

I pari i infrastrukturës, Pal Lekaj, bashkë me deputetin e Kuvendit të Kosovës, Bekë Berisha, vizitoi punimet në asfaltimin e rrugës Gurrakoc – Klinë, rrugë kjo që e lehtëson dukshëm qarkullimin rrugor në këtë segment. Kjo rrugë me gjatësi prej 16 kilometra, po asfaltohet nga Ministria e Infrastrukturës dhe ka kosto mbi një milionë euro. Ministri Lekaj duke i uruar qytetarët për këtë rrugë deklaroi se aksi i parë prej 5 kilometra po përfundon këtë vit, kurse aksi i dytë nga Zallqi e deri në Klinë do të kryhet në fillim të vitit që po vjen. Lekaj po ashtu i kërkoi punëkryesit që të punohet sipas standardeve të parapara dhe specifikave të projektit për këtë rrugë, duke kërkuar cilësi për një rrugë sa më të sigurt dhe me tërë infrastrukturën e nevojshme përcjellëse. Kurse deputeti Berisha e falënderoi ministrin Lekaj për këtë investim të nevojshëm prej kohësh dhe e dha lajmin e mirë se sot është marrë vendim që në vitin që vjen do të asfaltohen mbi 50 kilometra rrugë në Istog, rrugë të cilat do të ndihmojnë dukshëm zhvillimin e turizmit në bjeshkët e kësaj ane.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara