leoni

LEKAJ NJOFTON KSTRR-NË PËR PROJEKTIN E ITS-IT

09/11/2018 Institucionet

Këshilli i Sigurisë së Trafikut Rrugor (KSTRr), i udhëhequr nga ministri Pal Lekaj, mbajti mbledhjen e radhës me ç‘rast u diskutua implementimi i projekteve për rritjen e sigurisë rrugore, me theks të veçantë gjatë natës. Anëtarët u njoftuan detajisht edhe për projektin e Sistemit Inteligjent të Transportit (ITS) që do të ketë ndikim të madh në rritjen e sigurisë në trafikun rrugor. Mes të tjerash, Lekaj theksoi se ky sistem do të ofroj menaxhim të rrugëve sikurse në vendet evropiane. Ai kërkoi bashkërendim të obligimeve nga të gjitha institucionet me qëllim të funksionimit të suksesshëm të ITS-it. Më tutje, Lekaj tregoi edhe për punën e madhe që po bëhet drejt finalizimit të ndriçimit të autostradave, kyçjeve dhe hyrjeve të qyteteve, proces ky i neglizhuar në vitet e kaluara. Ai njoftoi edhe për riparim të sistemit të ndriçimit në autostradën \”Ibrahim Rugova\” që kohë më parë ishin vjedhur pjesët e saj. Prandaj kërkoi nga organet e rendit bashkëpunim për siguri të aseteve infrastrukturore. Ndërsa anëtarët KSTRr-së, me diskutimet e tyre vunë në pah edhe një sërë masash që duhen ndërmarrë në transportin publik të udhëtarëve, infrastrukturën rrugore që të jetë kompatibile me trendet në rritje të numrit të banorëve, masave edukuese dhe disiplinimin e të gjithë atyre faktorëve që ndikojnë në rënien e sigurisë në trafikun rrugor.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara