Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lideri i Aleancës për Ardhmërinë e Kosovës, Ramush Haradinaj dhe kryetari i Partisë Demokratike të Kosovës, Memli Krasniqi kanë uruar besimtarët e krishterë për Festën e Pashkëve. “Kjo festë të na shërbejë për të forcuar respektin dhe harmoninë mes nesh. Gëzuar dhe për shumë mot Pashkët! Në këtë ditë të shenjtë, kur Pashkët kremtohen njëkohësisht nga të gjithë të krishterët, uroj paqe, mirësi dhe harmoni në familjet tuaja” ka shkruar lideri i Aleancës për Ardhmërinë e Kosovës, Ramush Haradinaj. “Për shumë mot Pashkën të gjithë besimtarëve katolikë dhe ortodoksë! Paqe dhe mirëkuptim për të gjithë! Pashka është kujtesë se pas çdo errësire vjen drita – një thirrje për të mos humbur kurrë shpresën për një të ardhme më të mirë. Kosova, me gjithë sfidat, ka ruajtur frymën e bashkëjetesës dhe respektit ndërnjerëzor. Këtu, uroj përjetësisht, Bajram e Pashkë të festohen bashkë – një vlerë që na nderon dhe duhet ta kultivojmë më tej” ka shkruar mes tjerash, kryetari i Partisë Demokratike të Kosovës, Memli Krasniqi.
