Ligjëratë informuese për mbrojtjen nga zjarret në Shkollën e Mesme Teknike në Viti

25/04/2025 Institucionet

Në ambientet e Shkollës së Mesme  te Ulët “Dëshmorët e Vitisë”, sot është mbajtur një ligjëratë me temën “Mbrojtja kundër zjarreve dhe shpëtimi i jetës dhe pasurisë”, me pjesëmarrjen e nxënësve dhe mësimdhënësve të kësaj shkolle si dhe atyre nga Shkolla e Mesme Teknike  “Jonuz Zejnullahu”.

Ky aktivitet u organizua nga Drejtoria për Shërbime Publike dhe Emergjencë në Viti, në bashkëpunim me Agjencinë e Emergjencave, me qëllim të vetëdijesimit dhe edukimit të të rinjve rreth masave parandaluese dhe mënyrave të veprimit në rast të zjarreve apo situatave emergjente.

Ligjërues në këtë aktivitet ishin komandanti i Njësisë së Zjarrfikësve në Viti, Hetem Jakupi, dhe inspektori komunal i preventivës, Izer Salihu, të cilët ndanë me të pranishmit njohuri praktike dhe këshilla të rëndësishme mbi veprimet që duhet ndërmarrë për të shpëtuar jetë dhe për të mbrojtur pasurinë në raste të fatkeqësive natyrore, me theks të veçantë në zjarret.

Nxënësit patën mundësi të shtrojnë pyetje dhe të marrin përgjigje direkte nga profesionistët, duke e bërë këtë ligjëratë një përvojë të vlefshme edukative dhe praktike.

Ky aktivitet është pjesë e përpjekjeve të vazhdueshme të Komunës së Vitisë për të ngritur vetëdijen qytetare dhe për të përgatitur komunitetin, veçanërisht të rinjtë, për situata të mundshme emergjente.

Kontrolloni gjithashtu

Kryetari Ramosaj takon banorët e fshatërave Strellc dhe Kodrali

Kryetari i komunës së Deçanit, z. Bashkim Ramosaj ka takuar përfaqësuesit e fshatërave Kodrali dhe …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara