Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kompania Limak që menaxhon Aeroportin Ndërkombëtar të Prishtinës “Adem Jashari” ka realizuar në kohë rekorde projektin e ndërtimit të Aeroportit Ndërkombëtar të Senegalit “Blaise-Diagne”. Në këtë projekt kanë marrë pjesë edhe 4 teknikë kosovar si pjesë e kompanisë Limak e cila ka realizuar projektin 545 milion eurosh të mbështetur nga Qeveria e Senegalit.
Ndërtimi i aeroportit të ri të shtetit nga Afrika Perëndimore ishte vonuar për më shumë se 10 vite para se Limak të fillonte me realizimin e tij, projekti i cili zgjati për vetëm 8 muaj. Limak po ashtu do të jetë kompania menaxhuese e këtij aeroporti për 25 vitet e ardhshme.
Aeroporti “Blaise Diagne”, i cili vitin e kaluar ka procesuar 2 milion udhëtarë, është paraparë të procesoj 3 milion udhëtarë në vitin e parë të tij, ndërkaq pritet që të arrijë në 5 milion udhëtarë deri në vitin 2023. Me ndërtimin e këtij aeroporti shteti afrikan synon që bëhet pikë lidhëse e fluturimeve ndërkombëtare në regjion.
