Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata në Colmar të Francës ka marrë vendim definitiv për ta liruar Komandantin e Zonës Operative të Dukagjinit gjatë luftës, Ramush Haradinaj. Ai ishte arrestuar me kërkesë të Interpolit, në bazë të një urdhër-arresti të Serbisë të kohës së Millosheviqit. Mbi të rëndonin akuzat e autoriteteve të Serbisë për, gjoja krime lufte të kryera në periudhën e viteve 1998-1999, akuza për të cilat Haradinaj dy herë ishte shpallur i pafajshëm nga Tribunali i Hagës. Lirimin nga mbajtja në Colmar e konfirmoi edhe vet kryetari i AAK-së, Ramush Haradinaj, në një paraqitje para medieve, vetëm pak minuta pas vendimit lirues nga gjykata. Haradinaj me këtë rast i falënderoi të gjithë për përkrahjen që i kanë dhënë gjatë ndalimit në Francë dhe u shpreh optimist së gjatë ditës së sotme do të arrijë në Kosovë.
