Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Eurodeputeti austriak, Lukas Mandl tha të premten se dialogu ndërmjet Prishtinës dhe Beogradit është dialogu mes dy shteteve dhe jo ndërmjet dy qyteteve, kështu saktësoi ai Kuvendin e Kosovës, ku po mbahet sesioni i dytë i punës i Komisionit Parlamentar për Stabilizim Asocim BE-Kosovë. Agjenda thotë dialogu mes Prishtinës dhe Beogradit. E njoh këtë gjuhë shumë mirë, por besoj se ky nuk është dialog mes dy qyteteve… duhet ta bëjmë të qartë në fillim se është e është dialog mes dy shteteve, shtetit të Kosovës dhe Serbisë”, tha ai, duke shtuar se edhe BE duhet ta theksojë këtë çështje. Sipas tij, është e rëndësishme që Bashkimi Evropian e ndërmjetëson dialogun, ndërsa shtoi se “mund të jenë konstruktiv por edhe kritik si po vazhdon dialogu. Ne nuk duhet të nënvlerësojmë rolin pozitiv të SHBA-së në dialogun, në mbështetjen e vërtetë të dialogut të ndërmjetësuar nga BE”, tha ai.
Radio Kosova e Lirë në vazhdimësi ka përdorur dhe përdorë sintagmën, bisedimet Kosovë-Serbi dhe asnjëherë bisedimet Prishtinë-Beograd, asnjëherë të vetme nuk përdor togëfjalëshin, “Dolina” apo Lugina e Preshevës, sipas emërtimit serb që përjashton Bujanocin e Medvegjën, por qe 23 vjet përdor togfjalëshin, Kosova Lindore, ose tri komunat e Kosovës Lindore.
