Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i LDK, Lumir Abdixhiku, ka reaguar ashpër ndaj ndërhyrjeve institucionale që, sipas tij, po pengojnë realizimin e projekteve zhvillimore në kryeqytet. Ai ka akuzuar një komision në një ministri për bllokimin e punëve publike, duke përdorur arsyetime të pabazuara mbi mbrojtjen e trashëgimisë kulturore. Një Komision, diku në një Ministri, me një a dy inspektorë partiakë e idhnakë, vendos të bllokojë një Kryeqytet të tërë. Trashëgimi kjo asfallt gërmadhë?. Ai ka theksuar se punimet në Prishtinë nuk do të ndalen dhe ka shtuar se përpjekjet për bllokimin e projekteve zhvillimore janë të papranueshme. Abdixhiku ka përmendur disa projekte që janë bllokuar padrejtësisht, si Sheshi “George Bush”, mbikalimi në Dragodan, nënkalimi te Kuvendi, Rruga A, Unaza e Jashtme dhe Plani Zhvillimor Komunal, duke i akuzuar autoritetet për një bllokim sistematik të zhvillimit të qytetit. Sipas tij, këto bllokime janë një manifestim i urrejtjes ndaj qytetit dhe zhvillimit të tij.
