Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këshilli i Bashkëpunimit Rajonal, organizoi dje një takim të Ministrave të Punëve të Jashtme të Procesit të Bashkëpunimit të Europës Juglindore, në bashkëpunim me Kryesimin e SEECP të Tiranës në Nju Jork, në kuadër të sesionit të 79-të të Asamblesë së Përgjithshme të Kombeve të Bashkuara. Ndërsa popullsia jonë zvogëlohet dhe pabarazitë ekonomike zgjerohen, struktura socio-ekonomike e Evropës Juglindore, bëhet gjithnjë e më shumë e tendosur. Strategjia jonë për të ardhmen duhet të përfshijë masa gjithëpërfshirëse për të përmirësuar kushtet ekonomike vendore dhe rajonale, për të përmirësuar infrastrukturën dhe për të përdorur instrumente të tjerë që ofrojnë mundësi të reja për stabilizimin dhe rigjallërimin e ekonomive tona”, tha Majlinda Bregu, në fjalën e saj hyrëse. Ministrat e Punëve të Jashtme përgëzuan politikat në drejtimin dhe lehtësimin e bashkëpunimit rajonal dhe theksuan rëndësinë e fazës së dytë të Tregut të Përbashkët Rajonal, duke parashikuar miratimin e saj në Samitin e ardhshëm të Procesit të Berlinit muajin e ardhshëm.
