Makolli mori pjesë në konferencën, kushtuar grupeve të margjinalizuara

06/03/2018 Institucionet

Zëvendësministri i Punës dhe Mirëqenies Sociale, Vesel Makolli mori pjesën në konferencën e organizuar nga Qendra e Trajnimeve dhe Burimeve për Avokim dhe në partneritet me USAID-in, me temën  “Zbatimi i obligimeve institucionale në përmirësimin e të drejtave të grupeve të margjinalizuara”. Në fjalën e tij të rastit, zëvendësministri Makolli tha se Republika e Kosovës, duke respektuar parimet ndërkombëtare, përpos që ka garantuar me ligj të drejtat dhe liritë e qytetarit, ka bërë edhe politika të zhvillimit, të ndërtimit dhe avancimit të mirëqenies për të gjithë qytetarët e vet, duke respektuar normat dhe parimet juridike. “Njëri ndër ligjet që rregullojnë këto çështje është edhe Ligji Nr. 03/L-019 për Aftësimin, Riaftësimin dhe Punësimin e Personave me Aftësi të Kufizuara, i ndryshuar dhe plotësuar me Ligjin  nr.05/L-078. Përveç përkrahjes institucionale ky ligj obligon punëdhënësit që të punësojnë një person me aftësi të kufizuar në çdo 50 punëtorë. Kur kjo nuk respektohet punëdhënësi obligohet që të paguajë në buxhetin e Kosovës kontribute mujore në lartësi prej një page minimale” tha ai. Me qëllim të avancimit dhe përmirësimit të pozitës së grupeve të margjinalizuara MPMS në bashkëpunim me grupet e interesit, është duke hartuar aktet nënligjore sekondare të cilat burojnë nga ligji në fuqi,  e për të cilat konsiderojmë se do të kompletohet në tërësi korniza ligjore. Zëvendësministri Makolli ka potencuar se korniza ligjore është vetëm një instrument i cili rregullon dhe përcakton bazën ligjore në përgjithësi, mirëpo për adresimin me sukses të pozitës së grupeve të margjinalizuara nevojitet bashkëpunimi edhe koordinimi i institucioneve që ndërlidhen drejtpërdrejtë ose indirekt me tregun e punës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara