Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në kuadër të bashkëpunimit dhe shkëmbimit të përvojave, sot Komitetit për Komunitete i Komunës së Malishevës, nën kryesimin e kryesuesit, Amrush Helshanit me anëtarë, zhvilloi një takim të përbashkët pune me përfaqësuesit e po këtij komiteti nga Komuna e Dragashit e cila përfaqësohej, nga shefi i Zyrës për Komunitete dhe Kthim, Uzair Hamza dhe kryesuesi i Komitetit për Komunitete, Miralem Rahte. Fokusi i takimit qëllim kishte, shkëmbimin e përvojave të mira mes dy institucioneve të dy komunave në fushën e shërbimeve të komuniteteve pakicë dhe gjithëpërfshirjes si dhe integrimit të komuniteteve në jetën shoqërore, arsim, kulturë, sport, punësim dhe administratën komunale si dhe në mbështetje të subvencionimit të kërkesave të tyre. Më pas ata, vizituan Qendrën Kryesore të Mjekësisë Familjare ” Dr. Shpëtim Robaj”, ku u pritën nga drejtori, Afrim Krasniqi si dhe Shkollën e Mesme të Ulët, ” Ibrahim Mazreku”, me drejtoreshë, Rrezarta Mazreku, ku u njohën me integrimin e nxënësve pakicë në këtë shkollë. Tërë këtë aktivitete e mbështeti dhe e monitoroi, OSBE me përfaqësuesit e saj.
