Malisheva organizoi aktivitete të ndryshme për ditën e tokës

20/04/2018 Institucionet

Organizuar nga Drejtoria e Shërbimeve Publike dhe Drejtoria për Kulturë, Rini dhe Sport, në bashkëpunim me Qendrën Rinore në Malishevë, në kuadër të shënimit të Ditës së Tokës, janë zhvilluar aktivitete të ndryshme, si mbjellje e drunjve në oborrin e komunës dhe në hapësirën te varrezat e dëshmorëve, ngjyrosja e ulëseve në park dhe vizatime, me tema për 22 prillin, Ditën e Tokës. Në këto organizime, krahas përgjegjësve dhe zyrtarëve komunal, kanë marrë pjesë edhe nxënësit e Gjimnazit “Hamdi Berisha”, të Qendrës së Kompetencës “Kujtim Krasniqi” dhe nxënësit e Sh.F.M.U. “Ibrahim Mazreku” në Malishevë. Pas mbjelljes së drunjve, në aktivitetet që janë organizuar në parkun e qytetit, nxënësit dhe vullnetarët, i kanë ngjyrosur ulëset në park, me ngjyra të ndryshme, kurse një pjesë e nxënësve, janë marrë me vizatime të ndryshme, me temë tokën, si pastërtia, ruajtja e tokës, gjelbërimi, dhe të ngjashme. Këto aktivitete janë mbështetur dhe organizuar nga drejtoritë e shërbimeve publike dhe ajo për kulturë, rini dhe sport, ndërsa krahas nxënësve, aktivistëve dhe pjesëmarrësve të tjerë, aktivisht janë angazhuar edhe drejtorët e këtyre drejtorive, Milazim Morina dhe Besartë Kryeziu-Ramaj.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara