Malisheva shënon 1 Qershorin – Ditën Ndërkombëtare të Fëmijëve

01/06/2022 Institucionet

Kryetari i Komunës së Malishevës, Ekrem Kastrati i shoqëruar edhe nga drejtoresha e drejtorisë për Arsim dhe Edukim, Arbëreshë Krasniqi me bashkëpunëtorë, morën pjesë në  shënimin e Ditës Ndërkombëtare të Fëmijëve – 1 Qershorin të organizuar nga  çerdhja ”Zërat e Ëmbël”. Kastrati në këtë ngjarje kushtuar më të vegjëlve ndër të tjera tha: ”Fëmijët janë buzëqeshja jonë e parë, janë motivi i jetës dhe përkushtimit jonë familjar e institucional, janë zërat më të ëmbël dhe janë pasuesit më të denjë për të nesërmen për ne, prandaj do të jemi si qeveri komunale, shumë të përkushtuar dhe do të përkujdesëm për t’u krijuar kushte edhe më të mira dhe  do të punojmë për sa më shumë përfshirje të fëmijëve  nëpër çerdhet tona, unë përgëzoi punëtorët mësimor në institucionet e çerdheve në komunën tonë dhe ju premtoi që do të punojmë fortë  e të bëjmë edhe lokale përcjellëse për çerdhet,  ku të përfshijnë edhe më shumë fëmijë, njëherit uroi, që të gjithë fëmijët në botë  të jetojnë në paqe e liri pa dallim, kombi , besimi e race, të arsimohen plotësisht dhe të bëhen zot të vetvetes e vendit të tyre, urime 1 Qershori të dashur fëmijë të vendit tim, të komunës time dhe gjithë fëmijëve në botë”, Gëzuar dita juve!, përfundoi Kastrati. Në këtë ngjarje edhe e para e arsimit të Komunës së Malishevës, Arbëreshë Krasniqi, përgëzoi, fëmijët dhe  ekipin e punues të çerdhes ”Zërat e Ëmbël”, prindërit dhe theksoi ”Sot, kur shohë fëmijët e gëzuar të moshave nga 1 deri në 4 e 5 vjeç, kur dëgjoi zërin e ëmbël të tyre duke recituar, kënduar e vallëzuar, shoh të ardhmen e sigurt, pra do të angazhohem për sa më shumë fëmijë të shkojnë në çerdhe, për këtë edhe po punojmë të zgjerojmë infrastrukturën e objekteve, jo vetëm në qytetin e Malishevës, por edhe nëpër fshatrat e komunës, prandaj, gëzuar fëmijë dita juaj, ju jeni shpresa  e vendit tonë”. Në fund nga më të vegjlit u shfaq një program i bukur, me recitime e vallëzime, si dhe  për më të dalluarit, u ndanë mirënjohje nga drejtoresha, Arbëreshë Krasniqi dhe drejtoresha e Çerdhes.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara