Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas deklaratave të zyrtares për dialog me Serbinë, Edita Tahiri, e cila ka thënë se është arritur marrëveshja mes Kosovës dhe Serbisë për targat e automjeteve, kjo informatë është mohuar nga pala serbe. Zyrtari serb, Marko Gjuriq, ka thënë se delegacioni i Beogradit gjatë bisedimeve në kuadër të dialogut teknik me ndërmjetësimin e BE-së, ka ngritur çështjen e Asociacionit të komunave serbe dhe se “Prishtina është konfuze kur bëhet fjalë për ekipin e menaxhimit të themelimit të saj”, shkruan Tanjug. Sipas Gjuriqit, ai personalisht nga zyrtarët më të lartë të Kosovës, Hashim Thaçi dhe Isa Mustafa ka dëgjuar se ekipi i menaxhimit është formuar. “Unë personalisht mbështes themelimin e Asociacionit. Unë mendoj se kjo sjell paqe dhe siguri për serbët dhe shqiptarët”, tha Gjuriq.
