Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-ambasadori amerikan, në Izrael, Martin Indik, e ka cilësuar kryetarin izraelit, Benjamin Netanjahu, si rrezik të qartë dhe të pranishëm për vendin, duke i bërë thirrje të japë dorëheqje nga pozita, para se t’i bëjë edhe më shumë dëm Izraelit. Deklarata e tij u postua pas raportit të gazetës Nju Jork Tajms, sipas të cilës Netanjahu ishte i vetëdijshëm për ndihmat financiare që Katari po dërgonte në Gazë. Ai dhe zyrtarë të tjerë izraelitë lejuan që të dërgoheshin ndihma financiare në Gazë me shpresën se do të ndihmonte në ruajtjen e paqes dhe stabilitetit në rajon, dhe me besimin se Hamasi nuk kishte kapacitetin për të nisur një sulm tjetër. Martin Indik, i cili ka luajtur një rol kyç në përpjekjet për krijimin e një marrëveshjeje izraelito-palestineze, thotë se vendosmëria e Netanjahut për të qëndruar në pushtet, pavarësisht nga kostoja, është një rrezik konkret për sigurinë e Izraelit. Kjo luftë është sfidë e veçantë për kryetarin amerikan, Joe Biden, pasi ai po përpiqet të balancojë mbështetjen për aleatin kryesor të Amerikës në Lindjen e Mesme, me thirrjet për armëpushim.
