Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Demokratike të Kosovës, Memli Krasniqi, sot ka bërë homazhe te Kompleksi Memorial në Meje të Gjakovës, në 23-vjetorin e masakrës më të madhe që shteti i Serbisë ka kryer në Kosovë gjatë luftës. Në Meje atë ditë forcat ushtarake e policore kanë vrarë e masakruar 376 civilë, në mesin e tyre, fëmijë gra e pleq. Memli Krasniqi është shprehur me këtë rast se Masakra e Mejës shpërfaq barbarinë e regjimit serb, qëllimi i të cilit ishte spastrimi etnik i shqiptarëve. “Masakra e Mejës, ndër më të mëdhatë të kryera në Kosovë, shpërfaq barbarinë e një regjimi. Por, gjurmët e këtyre krimeve nuk mund të fshihen asnjëherë. Zbardhja e fatit të të pagjeturve dhe ndëshkimi i kriminelëve të luftës, do të jenë përherë kërkesat e Kosovës derisa drejtësia të vihet në vend. Lavdi martirëve të Masakrës së Mejës!”, ka thënë Memli Krasniqi.
