leoni

MASHT dhe UNICEF me iniciativë për vizita nëpër familje mbi rëndësinë e edukimit të hershëm

22/02/2019 Institucionet

Ministri i Arsimit, Shkencës dhe Teknologjisë, Shyqiri Bytyqi, priti në takim udhëheqësin e Zyrës së UNICEF-it në Kosovë, Murat Sahin, me të cilin bisedoi për mundësi të bashkëpunimit në procese të rëndësishme në arsimin parauniversitar. Ministri Bytyqi, fillimisht falënderoi UNICEF-in për mbështetjen të vazhdueshme në arsim dhe për gatishmërinë që të ofrojë ekspertizë për hartimin dhe akreditimin e programeve të mbështetura në shkathtësi në edukimin formal të Kosovës. Ministri theksoi rëndësinë e këtyre programeve për pajisjen me shkathtësi për jetë dhe punë të të rinjve, ndërsa shtroi nevojën e informimit të duhur për përfitimet që mund të kenë të rinjtë nga këto programe, sidomos nga programi UPSHIFT, përmes të cilit ata mund të zhvillojnë shkathtësi teknologjike, inovative dhe kreative. Në këtë takim, u bisedua edhe për angazhimet e përbashkëta të MAShT dhe UNICEF në parandalimin e braktisjes së shkollimit, e po ashtu edhe për rëndësinë e edukimit në fëmijërinë e hershme dhe nevojën për vetëdijesimin e prindërve përmes materialeve të ndryshme informuese lidhur me këtë çështje.  Ministri Bytyqi dhe udhëheqësi i UNICEF-it, Murat Sahin, u dakorduan që MAShT në bashkëpunim me UNICEF-in të fillojnë një fushatë vetëdijesuese nëpër familje, ku do t’ju ofrohet prindërve pako me informacione mbi rëndësinë e edukimit dhe shëndetësisë për moshat 0-3 vjeç.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara