leoni

MASHT ka marrë vendim që nesër ora e parë e mësimit t'i kushtohet Pavarësisë së Republikës së Kosovës

MASHT NXJERRË UDHËZIM ADMINISTRATIV PËR MBROJTJEN E FËMIJËVE NË INTERNET

29/01/2019 Institucionet

Ministria e Arsimit, Shkencës dhe Teknologjisë (MAShT) ka nxjerrë Udhëzimin Administrativ për mbrojtjen e fëmijëve në internet me qëllim që institucionet edukativo-arsimore dhe aftësuese në nivelin parauniversitar të adresojnë mbrojtjen e fëmijëve/nxënësve në internet nëpërmjet procesit të rregull arsimor dhe aktiviteteve jashtëmësimore, duke i përgatitur ata për përdorimin e sigurt të internetit, në përputhje me zhvillimin e tyre të plotë në aspektin fizik, të komunikimit, social, emocional dhe intelektual. Paraprakisht, MAShT ka hartuar edhe pakon e udhëzuesve ”Udhëtimi nëpër internet”, me të cilën ofrohen alternativat e përdorimit të internetit në mënyrë të dobishme e të përgjegjshme, duke trajtuar këtë tematikë me qasje ndërkurrikulare, ekstrakurrikulare dhe me mësim zgjedhor. Rreth kësaj pakoje është zhvilluar dhe realizuar programi i trajnimit, ku fillimisht kanë përfituar 165 koordinatorë të cilësisë nga 25 komuna. Kjo qasje e MAShT dhe mobilizimi i institucioneve arsimore synon shmangien nga keqpërdorimi i teknologjisë informative, dhuna digjitale, shkelja e privatësisë dhe elementeve tjera negative që mund të sjellë abuzimi me internetin. Së shpejti MAShT do ta ndajë Udhëzimin Administrativ me komunat dhe shkollat duke u bërë thirrje për zbatim të duhur.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara