Në Rahovec është mbajtur mbledhja e dytë e rregullt për vitin 2025 e Këshillit Komunal për Siguri në Bashkësi. Mbledhjen e kryesoi kryetari i komunës, njëherit edhe kryesuesi i mbledhjes, z. Smajl Latifi. Duke i përshëndetur të gjithë të pranishmit, ai theksoi se situata e përgjithshme ne Komunën e Rahovecit në bazë të argumenteve dhe burimeve që i posedojmë është stabile, e qetë dhe pa ndonjë ndryshim të theksuar prej takimit të fundit të mbledhjes së KKSB-së.
Në përgjithësi në këtë mbledhje u shtjelluan këto çështje:
Trajtimi i qenve endacakë;
Vlerësimi i përgjithshëm i gjendjes së sigurisë në Komunën e Rahovecit;
Rëndësia e promovimit të bashkëpunimit ndëretnik, multikulturor dhe ndërfetar;
Përdorimi i substancave narkotike dhe mbajtja e mjeteve të rrezikshme;
Mbrojtja e ambientit në komunën e Rahovecit;
Siguria dhe kontrolli i shpeshtë në trafik;
Niveli i sigurisë në shkolla;
Parandalimi i dhunës në familje;
Përpjekja intenzive për ushqim më cilësor me siguri me të lartë – siguria dhe kontrolli i produkteve ushqimore.
Komandanti i Stacionit Policor – Rahovec, z. Fazli Morina, si zakonisht raportoi rreth situatës së sigurisë në territorin e komunës së Rahovecit, me statistika si në vijim:
77 vepra penale, prej tyre 7 incidente jopenale, 11 raste vjedhje, 5 raste me para falco, 3 raste të asgjësimit të pasurisë, 2 raste armëmbajtje pa leje dhe 6 raste të dhunës në familje.
Gjatë kësaj periudhe janë arrestuar 24 persona – prej tyre 17 persona në mbajtje 24 orë.
Sa i përket sigurisë në komunikacion: Janë dhënë 1381 gjoba në komunikacion rrugor.
Prej tyre, 58 gjoba janë shqiptuar për drejtimin e automjetit pa patent shofer, 20 gjoba për përdorim të telefonit gjatë vozitjes, 186 gjoba për parkingje joadekuate, 4 gjoba për prishtje të rendit dhe qetësisë publike dhe janë shqiptuar 16 gjoba me konfiskim të patent shoferit.
Nga shkollat e komunës së Rahovecit janë realizuar 2 raste: një rast sulm dhe një rast asgjësim i pasurisë.
Në fund të mbledhjes, kryetari falënderoi të gjithë anëtarët e KKBS-së për konstruktivitetin, angazhimin dhe punën e bërë.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
