Mbahet mbledhja e dhjetë e Këshillit të Drejtorëve të Komunës së Malishevës

25/03/2022 Institucionet

Sot është mbajtur mbledhja e radhës e Këshillit të Drejtorëve të Komunës së Malishevës, e cila është kryesuar nga nënkryetari i Komunës, Vesel Krasniqi.

Në këtë mbledhje, drejtorët kanë raportuar lidhur me aktivitetet javore që kanë realizuar secila nga drejtoritë përkatëse.

Gjatë kësaj mbledhje është diskutuar rreth përgatitjeve për shënimin e 31 Marsit – Masakrës së Burimit, si dhe për përgatitjet finale për fillimin e Muajit të Pastrimit të Ambientit, që Komuna e Malishevës në bashkëpunim me institucionet tjera lokale, ka planifikuar që i gjithë muaji Prill  t’i kushtohet pastrimit të ambientit në tërë territorin tonë.

Gjithashtu, një temë tjetër dhe me interes për qytetarët tanë për të cilën u diskutua gjatë këtij takim të Këshillit të Drejtorëve, ishte edhe aktivizimi i Shtabit për Parandalimin e Etheve Hemoragjike (Krimeve Kongo), si dhe ndërmarrja e hapave të nevojshëm për fillimin sa më parë të procesit të dezinsektimit.

Gjithashtu, në këtë mbledhje u diskutua edhe për situatën pandemike, për të cilën u tha se, aktualisht është normale dhe me raste të pakta ditore, të qytetarëve të infektuar.

Kontrolloni gjithashtu

Samra Kërqagu u zgjodh kryesuese e re e Komitetit Konsultativ për Persona me Aftësi të Kufizuara

Në Rahovec në prani të anëtarëve të Komitetit Konsultativ për Persona me Aftësi të Kufizuara, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara