Mbahet mbledhja e ekzekutivit komunalë në Kaçanik  

22/01/2018 Institucionet

Kryetari i Komunës së Kaçanikut Besim Ilazi, udhëhoqi mbledhjen e ekzekutivit komunal, ndërsa prezantoi edhe Nënkryetari Ylber Bajra si dhe drejtorët e drejtorive komunale. Në takim mes tjerash u diskutua edhe për gjendjen në Komunën e Kaçanikut, pas reshjeve të borës. Drejtoria e Shërbimeve Publike njoftoi se tashmë të gjitha rrugët në territorin e Komunës së Kaçanikut janë të pastruara nga bora dhe të kalueshme për qarkullim, ndërsa vështirësi paraqiten në zonat më të thella malore. Kompania për mirëmbajtjen e rrugëve, edhe më tutje është në terren, duke bërë pastrimin e rrugëve tashmë edhe në fshatrat më të thella malore, ku zakonisht paraqiten vështirësi më të mëdha qarkullimi.

Mes tjerash në takim u bë e ditur se kanë filluar vizitat dhe matjet në shumë rrugë e rrugica në përgatitje të projekteve, të cilat rrugë janë paraparë që të rregullohen dhe asfaltohen për vitin 2018. Në takim nga drejtorët e drejtorive komunale, u bë e ditur se punët në sektor të ndryshëm komunal, në shërbime të ndryshme komunale, janë duke vazhduar pa ndonjë problem të theksuar.

Kontrolloni gjithashtu

Kryetari Aliu ngushëllon familjen Shaqiri, me rastin e ndarjes nga jeta të të gazetarit të mirënjohur Sylejman Shaqiri

Me dhembje e pikëllim të thellë, morëm lajmin për ndarjen nga jeta të gazetarit të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara