Kryesuesi i mbledhjes, Kryetari i Komunës z.Smajl Latifi, duke i përshëndetur të gjithë të pranishmit, theksoi se situata e përgjithshme në Komunën e Rahovecit në bazë të argumenteve dhe burimeve që i posedojmë është stabile, e qetë dhe pa ndonjë ndryshim të theksuar prej takimit të fundit të mbledhjes së Këshillit Komunal për Siguri në Bashkësi (KKSB).
Të pranishëm në mbledhjen e shtatë të rregullt për këtë vit ishin: Anëtarët të KKSB-së, përfaqësuesit e OSBE-së, pëfaqësuesit e qendrës rinore, drejtorët e drejtorive komunale, kryetarët e këshillave të lagjeve të qytetit dhe kryetarët e këshillave të fshatrave të komunës.
Në përgjithësi, në këtë mbledhje u shtjelluan këto çështje:
Siguria në Komunën e Rahovecit
Diskutime për lëmoshëkërkuesit;
Diskutime rreth aktiviteteve të ndryshme, të cilat kanë për qëllim sensibilizimin kundër dhunës në familje, ndaj gruas dhe me baza gjinore
Ndalimi i mjeteve piroteknike
Identifikimi i vendeve ku dyshohet se të rinjtë tanë përdorin substanca narkotike
Parkingjet në qytet dhe ndriçimi publik
Deponitë ilegale dhe mbeturinat
Mbrojtjen e lumenjve që rrjedhin – ndalimi i hudhjes së mbeturinave
Përpjekja intenzive për ushqim më cilësor me siguri me të lartë (siguria dhe kontrolli i produkteve ushqimore)
Pritja e bashkëatdhetarëve për festat e fundvitit.
Komandanti i Stacionit Policor në Rahovec, z. Fazli Morina, si zakonisht raportoi rreth situatës së sigurisë në territorin e komunës së Rahovecit, me statistika si në vijim:
56 vepra penale, 5 incidente jopenale, 2 raste me narkorikë, 3 raste me para falco, 3 vjedhje, 3 vjedhje të rënda, 4 armëmbajtje pa leje, 5 raste të dhunës në familje. Gjatë kësaj periudhe janë arrestuar 25 persona, 18 prej tyre janë mbajtur për 48 orë.
Sa i përket sigurisë në komunikacion rrugor:
Janë dhënë 994 gjoba në komunikacion rrugor. Prej tyre, 44 gjoba janë shqiptuar për drejtimin e automjetit pa patent shofer, 13 gjoba për mbajtje të telefonit gjatë vozitjes, 166 gjoba për parkingje joadekuate.
Nga shkollat e Komunës së Rahovecit është realizuar vetëm 1 rast, sulm në shkollë. Gjithashtu, në shkollat e Komunës së Rahovecit janë realizuar 353 patrullime dhe 35 pika kontrolli afër shkollave.
Në fund të mbledhjes, kryetari falenderoi të gjithë anëtarët e KKBS-së për konstruktivitetin, angazhimin dhe punën e bërë gjatë vitit 2024.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
