Mbahet mbledhja e KKSB-së në Komunën e Rahovecit

06/05/2016 Institucionet

Nën udhëheqjen e nënkryetarit të Rahovecit, Xhemali Haxhimustafa, u mbajt mbledhja e dytë e Këshillit Komunal për Siguri në Bashkësi ( KKSB ). Në këtë mbledhje nga anëtarët e KKSB-së, situata e sigurisë u vlerësua si e qetë dhe stabile në gjithë territorin e Komunës së Rahovecit.

Për sigurinë në territorin e Komunës së Rahovecit, foli zv. komandanti i Stacionit të Policisë në Rahovec, Bekim Vuçitërna, i cili shprehet se raporti përfshin periudhën dy mujore, ku situata e sigurisë paraqitet e qetë dhe stabile, e krahasuar me periudhën e njëjtë të vitit paraprak, nuk kemi pasur ndonjë ngjarje e cila do të destabilizonte situatën e përgjithshme të sigurisë.

Sa i përket prishjes së rendit publik, janë paraqitur gjithsej gjashtë raste të lehta, ngritje e lehtë kemi kur është në pyetje kriminaliteti, kemi rënie tek vepra penale dhe rritje në zbulueshmërin e rasteve, krahasuar me vitin paraprak.

Situata e sigurisë në komunikacion është e kënaqshme, ku nuk kemi incidente trafiku me fatalitet, ndërkaq edhe nëpër shkolla situata e sigurisë është e mirë, ku jemi vazhdimisht duke mbajtur ligjërata nxënësve për siguri të përgjithshme .

Për siguri të përgjithshme nëpër shkolla, ka folur drejtoresha e Drejtorisë për Arsim, Vjollca Vuçitërna, e cila situatën e sigurisë e vlerësoi stabile dhe të qetë në përgjithësi. Për situatën e qetë dhe stabile drejtoresha Vuçitërna falënderoi Stacionin Policisë në Rahovec, të cilit me ligjërata të shpeshta ndikojnë shume tek nxënësit, kur janë në pyetje dukuritë negative dhe devijuese në shoqëri.

Munib Durguti, drejtor i Drejtorisë për Shëndetësi dhe Mirëqenie Sociale, ka folur rreth masave të ndërmarra për luftimin e Etheve Hemoragjike – Krime Kongo, duke thënë se në rritjen e kësaj epidemie ndikon ngrohja globale, por thotë se në komunën e Rahovecit janë ndërmarrë të gjitha masat, ku për spërkatjen e 80 për qind të territorit është angazhuar kompania profesionale, dhe shpresojmë, siç thotë ai parandalimi do të jetë i suksesshëm.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara