Mbahet mbledhja e KPF-së në Skenderaj, e fundit për këtë vit

21/12/2023 Institucionet

Komiteti për Politikë e Financa, i udhëhequr nga kryesuesja Adelina Spahiu, e ku ishin të pranishëm edhe kryetari i Komunës së Skenderajt, Fadil Nura, drejtorët komunalë dhe anëtarët e KPF-së, ka mbajtur sot mbledhjen e radhës, e fundit për këtë vit, në të cilën janë shqyrtuar këto pika të rendit të ditës:

– Draft-plani i Punës së Kuvendit Komunal për vitin 2024;

– Propozim-vendimi për nismën e kryetarit të Komunës së Skenderajt, për të hyrë në bashkëpunim komunal ndërkombëtar (binjakëzim) me Komunën e Tuzit të Malit të Zi;

– Propozim-vendimi për miratim të vendimit për publikim të listës së përgjithshme të pronave të paluajtshme të Komunës së Skenderajt, që planifikohen për dhënie në shfrytëzim personave fizik/juridik për vitin 2024

– Propozim-vendimi për miratim të vendimit paraprak për ndryshim të kufirit të Zonës Kadastrale Llaushë-Skenderaj, duke bërë bashkim të ngastrave nga ZK Llaushë në ZK Skenderaj;

– Propozim-vendimi për miratim të Planit Operativ Emergjent Lokal;

Pas pyetjeve të anëtarëve të KPF-së në pikat e mësipërme, dhe sqarimeve nga Ekzekutivi, ky komitet i ka rekomanduar Kuvendit Komunal për miratim të pikave të rendit të ditës.

Kontrolloni gjithashtu

39 pemëtar ferizajas përfitues të spërkatsëve profesionale

Mbështetja për bujqit dhe fermerët ferizajas po vazhdon. Në kuadër të skemës mbështetëse për bujqit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara